Udako oporretan indarberritu ondoren gaur itzuli dira ikasleak ikastetxera.
DBH, Lehen Hezkuntzakoak eta Haur Hezkuntzako 3 , 4 eta 5 urtekoak , lagunak ikusi eta gela eta irakasle berriak ezagutzeko irrikan zeuden. Goizeko hamaikak aldera frontoian elkartu dira ikastetxeko irakasle eta ikasle berriei ongi-etorria emateko eta ikasturteko lehen kantu-saioa ospatzeko.
Eskolako gaztetxoenek, bi urteko ikasleek alegia, astelehenean emango diote hasiera ikasturteari.
