automatikoa
Jarduerak
Jardueretan aberatsa den eskola da gurea. Eskola komunitateak egiten duen lanari esker, ikasleek hamaika gauza esperimentatzeko aukera dute.
Jarduera pedagogikoak
Eskola ordutegiaren barruan, bizitzan izango dituzten erronka anitzetarako prestatzen ditugu ikasleak.
Idazleak eskolan
Irakurtzeko zaletasuna lantzeko asmoz idazle bat edo bi etorriko dira eskolara.
Ipuin kontalaria
Ingelesezko ipuin kontalaria etorriko da eskolara.
Herri kirola
Herri kiroletako Federazioarekin LH 5. eta 6. mailako ikasleek egiten dute.
Udal Literatur eta marrazki lehiaketa
LH3tik DBH4ra bitarteko ikasleek gure herrian antolatzen den literatur eta marrazki lehiaketan parte hartuko dute.
Sare sozialak
Sare sozialei buruzko hitzaldiak egingo dira. Ertzaintzak eskainiko die LH6ko eta DBH4ko ikasleei; LH5eko, DBH1eko eta DBH2koei Pantallas Amigas elkarteak eskainiko diete.
Bide Heziketa
LHko eta DBHko ikasleekin egiten da. DBH4ko ikasleek DYArekin Lehen Sorospenak ikastaroa egingo dute. DBH3 eta DBH4koek teatroforumean parte hartzen dute.
Kirol egokitua
DBHko ikasleentzat.
Sexu heziketa
LH6ko eta DBH2. eta DBH4.eko ikasleentzat.
Alkoholaren eta beste drogen inguruko lanketa
DBHko ikasleekin egiten da.
Kantu saioa
HH eta LHko ikasleak aritzen dira hilero.
Irratia
Ikasleek bi astetik behin irrati saio bat prestatzen dute. Gidoigileak eta aurkezleak LH5. eta 6.mailako ikasleak izaten dira.
Osasuntsu bizi
Osasun ohiturak barneratzeko hainbat ekintza antolatzen dira eskola mailan urtean zehar; horien artean Osasun Astea.
AZAROAK 25
“Indarkeria Matxistaren Aurkako Eguna”
Mankomunitateak antolatutako hainbat ekintzatan parte hartzen da.
MARTXOAK 8
“Emakumeen Nazioarteko Eguna”
Mankomunitateak antolatutako hainbat ekintzatan parte hartzen da.
MAIATZAREN 17
“LGTBIQ+ Fobiaren Aurkako Nazioarteko Eguna”
Mankomunitateak antolatutako hainbat ekintzatan parte hartzen da.
Jai girokoak
Guraso elkarteako kideen laguntzari esker, Euskal Herrian eta Orion errotuta dauden hainbat jai ospatzen ditugu.
Euskararen Nazioarteko eguna
Euskararen eguna, abenduaren 3an, ospatzen dugu.
San Martin, San Tomas, Olentzero jaia, San Sebastian, Santa Ageda eta inauteriak
Jai guzti hauek ospatzen ditugu gurean.
Eskola zabalik
Matrikulazio garaian larunbat goiz batez eskola zabalik izaten dugu.
Apirilak 23
“Liburuaren eguna” ospatzen dugu.
Eskolaren eguna
Ekainaren hirugarren larunbatean ospatzen dugu.
Eguerdiko jarduerak
Eguerdian eskaintzen ditugun jarduerak dohainik izaten dira, eskolan ikasten duen ikasle orok parte hartzeko eskubidea izan dezan.
- Judo-ra gerturatze saioak HH4-5 eta LH1-2ko ikasleek judo saioak izaten dituzte Foru Aldundiko judo federazioko kide batekin 15 astez.
- Xake-ra gerturatze saioak LH3-LH6 ko ikasleek xake saioak izango dituzte Foru Aldundiko kide batekin 15 astez.
- Euskara indartzeko saioak Orioko udalaren bitartez euskara indartzeko beharra duten ikasleentzat AEK-ko irakasleek euskaraz gozatzeko ekintzak antolatzen dituzte.
Irteera eta txangoak
Haur Hezkuntza
- Ikasturtean zehar herriko parke eta zelaietara joaten gara maiz.
- Lehenengo hiruhilekoan Udal librutegira eta Goiko Kalera irteera egiten dugu.
- Lehenengo hiruhilekoaren amaieran Galaxy Park-era goiz buelta egiten dugu.
- Bigarren hiruhilekoan 4 eta 5 urtekoak Itxaspeko buelta egiten dute.
- Hirugarren hiruhilekoaren amaieran landutako proiektuarekin lotutako irteera bat antolatzen dugu inguruko herriren batera gehienetan.
Lehen Hezkuntza
- Zikloka antolatzen ditugu irteerak.
- Herria eta ingurunea ezagutzeko irteerak antolatzen ditugu: hondartza, Kukuarri, Itxaspe…
- Zarautzera oinez joatea, suhiltzaileei bisita egitea ere etapa honetako ohiko irteerak ditugu.
- Urtez urte egoki datozkigun irteerak antolatzen ditugu: Donostiara, Albaolara, Zumaiako flysch-a ezagutzera, Getariara…
- HH5 urteko gelatik hasita LH osoan ikasleek gutxienez gau bat kanpoan igarotzeko irteerak antolatzen ditugu.
DBH
- Ikasgai ezberdinekin lotura duten irteerak antolatzen ditugu:
- · Agorregi, Zumaiako flysch-a, Albaola, Mutiozabal, Balentziaga museoa…
- · Oinezko eta uretako irteerak (arrauna, padel surfa, piragua, surfa…)
- · Gamarrako igerilekuak
- · DBH 4. mailako ikasleek etapa amaierako ikasketa-bidaia antolatzen dute.
- Orientazio departamentuak antolatuta, interesa duten ikasleak Lanbide Heziketako ikastetxeak ezagutzera ere joaten dira inguruko hainbat zentru publikoetara.
Eskola kirola
Zaraguetako Ubera guraso elkarteak Lehen Hezkuntzako ikasleentzat Eskola Kirola antolatzen du.
Astean behin maila bakoitzak entremanentu saioa izaten du eta larunbatetan Eskola Kiroleko jarduerak izaten dituzte.
Guraso elkarteak antolatzen du autobus zerbitzua.
Ubera guraso elkarteak antolatuta
Orioko Kros txikia
Ubera Guraso Elkarteak 2010etik Orioko eta inguruko herrietako HH2-LH6 ikasleentzat antolatzen duen ekintza. Maiatzeko larunbat goiz batean ospatzen da.
Bizikleta astea
Ubera Guraso Elkarteak ikasturtean zehar astebetez bizikletaz eskolara joan-etorria taldean egiteko aukera eskaintzen du.
Tailerrak
Hilean behin, ostiral arratsaldez, Ubera Guraso Elkarteak tailerrak antolatzen ditu: Te eta pasta marokiarra, zura lantzeko tailerra, ipuin kontaketa…
Mendi Irteerak
Familian joateko mendi irteerak proposatzen dira.
Festak
Ubera Guraso Elkarteak antolatzen ditu: gaztain erre jana sanmartinetan, santomasetan txistor-jana, Gabonetan herritik zehar kantu saioa, inauterietan txokolatada, ikasturte bukaerako eskolaren festa, etab.
Abaromendi 11
20810 Orio
Ikasgune
Ikasleen boletinak ikasgunea plataforman izango dituzue eskuragarri.
Jarraian atxikitu dizuegu ikasgunean izena eman eta identifikatzeko bideotutoriala eta erabiltzaileen gida.
