Aurretik ordea, eskolako azkeneko astea izaki, hainbat gauza egin zituzten gure ikasleek, aste berezia izan zen ekainaren 15ekoa. Bateko txango, besteko tailer edo eta bestelako proiektuak eta jarduerak gauzatzeko aprobetxatu ziren azken egunak. DHBn padel surf-a, kaiak-a, txikientzako txontxongilo erakustaldia, Esperientzia Eskolakoekin sukaldaritza eta joste saioak, landare inbaditzaileen erauzketa eta Donostiara eta Zarautza joateko aprobetxatu zituzten azken lau egunak.

HH-n eta LHn, aldiz, hamaiketako bereziak egin zituzten, eta, nola ez, hondartzara eta udal kanpineko ingerileku berria probatzera ere joan ziren. Alde horretatik eskerrak eman behar dizkiogu Orioko Udalari kanpineko igerilekua erabiltzako erakutsi duen prestutasunagatik.

Eta honela agurtu ditugu ikasleak aurten. Bejondeizuela neska-mutilak, ondo joan dagizuela udara eta, eskola lagako duzutenoi ondo joan dagizuela  aurrerantzean ere!

The post Aste berezia, egun ahaztezina! appeared first on Zaragueta.

Anaren gidaritzapean, oinez, solasean, batetik bestera egin zuten bidea, eta dugun ondare aberatsaren berri jaso zuten, baita, aldi berean, beren burua hobeto ezagutu ere. Geldialditxoak eginez, Anak Orioren sorrera eta Goiko Kalearen inguruko antolaketa azaldu zien: kaleak, etxeak, eliza, Pilliku plaza… Azken puntu honetan, emakume-saregileen historia, euskararena eta, jakina, Maria Maestrarena ere azaldu zien.

Bizi-bizi pasa zitzaien goiza, eta hauxe idatzi nahi izan zuten ikasleek bukaeran:

Plazer bat izan da, Ana! Guk ere bat egiten dugu zure aldarrikapenarekin: Txikitan Orio itsasotik ikusteko aukera izaten genuen, (bapore eraiki berrietan herritarrei bertan itsasoratzen lagatzen zieten eta buelta bat ematen zuten, besteak beste, haur eta gazteek) eta egun aldiz, herritik ikusten dugu itsasoa, zergatik ez eman aukera hori egungo gazteei? Hortxe gure proposamena Orioko Udalari.

The post nongoa naizen esanaz… appeared first on Zaragueta.

Aurretik, ohi bezala, tortilla lehiaketa ere izango da, eta ondoren bazkaria. Ubera elkartetik tortillak egitera eta bazkaritako txartelak hartzera gonbidatu nahi dute Zaraguetako komunitate osoa. Ederki pasako dugu!

The post Eskola egunerako prest! appeared first on Zaragueta.

Testuinguru horretan, Pape Niang-en liburua; Hasiera berri bat irakurri dugu, Inor ez da ilegala proiektuaren baitan ARGIAk argitaraturiko lana. Liburuan Pape Niang-ek bere bizipenak kontatzen ditu: Senegaletik alde egin behar izan zuen egoera zaila, Mediterraneoa pateran zeharkatzeko arriskua eta Europara iristean bizi izan zituen zailtasunak. Liburuak errealitate gogor bat erakusten digu, baina baita ausardia eta bizitza berria eraikitzeko gogoa ere. 

Irakurketa amaitu ondoren, gure gelara bi gonbidatu berezi etorri ziren: Mikel Garcia Idiakez, liburuaren idazlea, eta Pape Niang, liburuko protagonista. Mikelek lehenik Pape aurkeztu zigun, eta bere historiaren laburpena egin zuen, nondik datorren eta zergatik erabaki zuen bere bizitza kontatzea. Gainera, azaldu zigun bera Argia aldizkariko kazetaria dela. Horrez gain, liburua idazteko prozesua nolako izan zen ere azaldu zigun: paperekin izandako elkarrizketak, etab. Ondoren, Pape bera hasi zen hitzegiten, eta bere ahotik entzun genuen liburuan agertzen den guztia: nola hartu zuen pateran sartzeko erabakia, ze arrisku bizi izan zituen bidean, eta nola iritsi zen azkenean hona bizitza berri baten bila.

Pape-ren kontakizuna oso hunkigarria izan zen. Bere ahotik entzutean, liburuan irakurritakoa, beste modu batean ulertu-jaso genuen. Gainera, guk egindako galdera guztiei gertutasunez erantzun zien, eta horrek, migratzaile askok bizi izan duten egoera hobeto ulertzen lagundu zigun. 

Azkenik, esperientzia oso aberasgarria izan da guretzat, alde batetik gelan Afrikako egoera politiko eta ekonomikoa, baliabide naturalen lapurreta eta multinazionalen eragina lantzen aritu garelako, eta bestetik benetako testigantza bat entzun dugulako, ikasitakoa bizitza errealarekin lotuz.

Malen Etxaniz Aduriz

The post Pape Niang gure artean appeared first on Zaragueta.

Blairrek esker ona adierazi zuen, eta hasieratik beso zabalik hartu dugula azpimarratu nahi izan du. Festetan, ospakizunetan eta orokorrean euskal kulturan parte izatera bultzatu izana izugarri eskertu du, batez ere, berarentzat horren desberdina den ohiturak ezagutzeko balio izan diolako.

Orain udaran bere familia etorriko da, eta Gipuzkoa eta ingurua erakusteko asmoa du.  Eskerrik asko Blair, eta ondo-ondo ibili! See you “laxter”!

The post See you “laxter” Blair appeared first on Zaragueta.

Gaurkoan, gure lankidea den Karen Tejado Sánchez-ek azalpenak eman ditu kontzientzia fonologikoaren inguruan. Izan ere, aurreko urtean hasitako lana osatuta, jada Haur Hezkuntzako gela guztietan landu da ikasturte honetan. Irakasle taldea gustura aritu da, eta ikasleen aurrerapausoak ikusten ari dira lanketaren ondoren. Ezin dugu ahaztu ebidentziek diotena, alegia, kontzientzia fonologikoa berariaz lantzeak irakurtzen ikasteko oinarri sendoa ezartzen duela. Zaragueta Herri Eskolan, behintzat, ildo horretatik jarraitzeko asmoa dugu eta sareko beste ikastetxeak ere horretan konprometitu dira.

The post Eskoletako praktika onak partekatzen appeared first on Zaragueta.

Horien artean, tarteka, ikasle ohiak ere etortzen dira Zaraguetara. Aurten, esate baterako, Asier Zubizarreta eta Nora Erkizia ibili dira praktiketan. Asier Bigarren Hezkuntzako masterreko praktikak egiten aritu da bi hilabetez, eta Nora Gela Egonkorrean ari da praktikak egiten, hezitzaile lanetan.

Poztekoa izaten da ikasle ohiak bueltan ikustea eta beste leku batetik eskolaren dinamikan sartzea. Hauen hitzetan oso esperietzia aberasgarria izaten da, eta etorkizunean zerekin aurkituko daitezkeen ikusten izugarri laguntzen die. Eskerrik asko bioi, eta aurki arte!

The post Eskolara bueltan praktikak egitera appeared first on Zaragueta.

Batetik, joan den hilean Sormen Bizian Lab tailerrean egin zituzten lanak erakutsi zituzten udaletxean. Ilustrazio eta narrazioak lantzen aritu dira Eneritz Ibarrarekin eta Nerea Loiolarekin balea gaitzat hartuta.

Bestetik, gela guztietan, balearen inguruko ipuin eta kontakizunak kontatu, irakurri eta partekatu dituzte egun hauetan. Irakurketa planarean baitan egunero hartzen da tarte bat irakurtzeko, eta astean behin, irakasleak irakurtzen diete ikasleei ahots goran.

Okasioa aprobetxatuz, balearen inguruko kontakizun, ipuin eta artikuluak irakurri dituzte aste honetan. Orioko baleaz harago, baleak eman du zeresana bazterretan: literaturan, kazetaritzan, ilustrazioetan eta, nola ez, baita bertsoetan ere. Horrelaxe bukatu genuen eguna, Orioko balearen bertsoak abesten.

The post Balearen egun biribila appeared first on Zaragueta.

Batetik,  ostegunean, “Ulermen Estrategiak DBH”n lantaldea bildu zen eskolan. Azken ikasturteetako erronka da irakurriaren ulermena nola hobetu, eta helburu horrekin Eraldatzen programako hainbat eskolarekin elkarlanean dihardugu. Aurrekoan, gainera, Jabi Azpitarte adituak azalpenak eman zituen, oraingoan ulermenaren ebaluazioan azpimarra eginez.

Bestetik, joan den bi asteazkenetan, diskalkuliari buruzko formazioa jaso zuen klaustro osoak Lorena Egidazu adituaren eskutik. Diskalkulia zer den eta zein esku-hartze eskatzen duen zehazten aritu ziren bi saio horietan.

Azkenik, joan den astean baita ere, Zumaiako Institututik etorri ziren Mikel Arroiabide eta Itziar Bikendi beren ikasleek egin duten proiektuaren posterra ekartzera. Hezkuntza, sormena eta dibulgazioa uztartzen ditu egitasmo honek, eta Soinuenearekin elkarlanean, musika-tresnen inguruko proiektua garatu dute, eta Wikiproiektu bihurtu.

The post Irakurketaren ulermena, diskalkulia eta musika tresnak appeared first on Zaragueta.

The post DBHkoak geografiako irakasle appeared first on Zaragueta.